စောင်းသံ​ပျောက်​​သော တမိုး​အောက်​
❆❆❆❆❆❆❆❆❆❆❆❆❆❆❆❆


စောင်းကိုငင်​၍
သခင်​သည်​မှာ....အိပ်​စက်​ပါ​လော့။

သခင်​လာလျှင်​
မယ့်​ဆံပင်​ကို
မြေတွင်​ပြန့်​ပြန့်​..ခင်းပါမည်​။

သခင့်​​ခြေကို
မျက်​ရည်​နှင့်​​ဆေး  မယ်​မယ်​​ထွေးလို့
နွေး​စေပါမည်​....သခင်​။

သခင့်​အတွက်​
ရေတခွက်​ကို   ​ရွှေလက်​နှင့်​ကိုင်​
ညလုံးထိုင်​၍....​စောင့်​ပါမည်​။

မီးအိမ်​ထွန်းကာ
စောင်းသံသာကို    ပိုးဝါကြိုးဆင်​
မြမြလွင်​​အောင်​    သခင်​တီးခတ်​
စောင်းကြိုးပြတ်​လျှင်​   မငြိုငြင်​ပါ
တပင်​ပြန်​ဆက်​    သခင့်​လက်​ကို
နမ်းလျက်​​ဖြေသိမ့်​....​ပေးပါမည်​။

အို...တညတာလုံး    ​မောင့်​လက်​ရုံးမှာ
မှီအုံးအိပ်​စက်​   နိုးတဝက်​ဖြင့်​
သခင့်​​စောင်းသံ     ခြူးခြူးညံကို
နာခံ​တော်​သွင်း    တမိုးလင်းမှ
ရင်​တွင်းလှုပ်​ရှားမိပါသတည်း။

ညကသခင်​    အို​စောင်းရှင်​ရယ်​....
အသျှင်​ဘယ်​​ရောက်​   ​စောင်းသံ​ပျောက်​၍
သောက်​​ရေခွက်​ခမ်း    ကိုယ်​လည်းနွမ်းလျက်​
မီးခွက်​လည်းငြိမ်း     ခန်းဆီးယိမ်းကာ
ရှောင်​တိမ်းဘယ်​ဆီ   သွား​လေပြီနည်း။

နေနီဝန်းစက်​     ​ရှေ့မှထွက်​ခဲ့
တရက်​လာနိုး    ငံ့လည်​ကျိုးဖြင့်​
မိုးချုပ်​တိုင်​ထိ    လွမ်းတမိမှာ
နွမ်းယိ​ကြွေသဲ.....လှပ်​လှပ်​တည်း။

စောင်းကိုငင်​၍
သခင်​ဘယ်​မှာ....​ပျောက်​ကွယ်​ပါလိမ့်​။ ။

ဒေါင်းနွယ်​​ဆွေ
____________________

ဒေါင်းနွယ်ဆွေ
**************
မီးပုံးပြာပြာ  မောင်မလာ
***********************

စီကာရီကာ   ဝရန်တာမှ
မီးပြာကြယ်အိမ်   လေမငြိမ်သော်
စိုးရိမ်ခင့်လက်   ဖယောင်းစက်ထိ
ပူလောင်ဘိလည်း   ဖိကာငြှိမ်းသတ်
ကြိုးတန်းပြတ်သည် …
လွမ်းဇာတ် ထင်ရေးပေါ်ယောင်တကား ၊

ဟို … တစ်နှစ်က
ပျိုချစ်တဲ့မောင်
သန်းခေါင်ချိန်းချက်   ညဥ့်နက်နက်မှာ
သူလာလေမလား   စကားယုံကြည်
မတည်ကတိ   ယွင်းလေဘိ၍
ထွန်းညှိမီးပုံး   တစ်ညလုံးလျှင်
ခွေနုံးနွမ်းကာ   ဝရန်တာတွင်
ရှိုက်ကာ ငိုခဲ့ရသရှင့် ၊

ဪ …
မနေ့တုန်းက   ဖိတ်စာရခဲ့
သည်ညဆိုလျှင်   တစ်နှစ်ပင်တည့်
စေ့စေ့ပြည့်၍   ချစ်သည့်မေ့မောင်
ဤသန်းခေါင်မှာ   မင်္ဂလာည
လှပနှုတ်ခမ်း   ငွေလခြမ်းတွင်
အနမ်းမုန်တိုင်း ဆင်ရော့မည် ၊

အို …
မီးပုံးပြာပြာ   ယိမ်းနွဲ့ကာလျှင်
လေမှာမငြိမ်   လင်းချည်မှိန်သော်
စိုးရိမ်ခင့်လက်   ဖယောင်းစက်ထိ
ပူလောင်ဘိလည်း   ဖိကာငြှိမ်းသတ်
ကြိုးတန်းပြတ်သည် …
လွမ်းဇာတ် ထင်ရေးပေါ်ယောင်တကား ။   ။

(ဒေါင်းနွယ်ဆွေ)

#######


________________

ဒေါင်းနွယ်ဆွေ
**************
မျဉ်းနှစ်ကြောင်း ဖီလာဝေး
*************************

တိမ်ကို တိမ်နှင့်
စေသဖြင့်လည်း
သခင့်စကား … မကြားရပြီ ၊

လေကို လေနှင့်
စေသဖြင့်လည်း
သဇင့်စကား … မကြားရပြီ ၊

တိမ်ကို လေနှင့်
စေသဖြင့်လည်း
တစ်ဆင့်စကား … မကြားရပြီ ၊

ဪ …
တိမ်ကတစ်လမ်း   လေတစ်လမ်းတည့်
ကြမ်းတမ်းကောင်းကင်   ကျောကုံးပြင်ဝယ်
ဖိတင်လေးလံ   ရှိုက်သံမျှင်ချည်
ရိပ်ခြည်နွယ်ပြက်   ကြားနိုးခက်ခဲ
တိမ်ယက်ဇာတန်း   လေမျက်ကန်းဝယ်
စခန်းမတွေ့   လွမ်းသရွေ့ဖြင့်
ကျွမ်းကြွေလွင့်ပါး   ခရီးလျားခဲ့
အသွားအပြန်   စုန်ဆန်တက်ဆင်း
အလင်းလက်လက်   မှောင်နက်နက်လျှင်
ကြင်ခက်ဖွေရာ   မိုးလဟာဝယ်
လိပ်ပြာမောနွမ်း   ရှာတိုင်းပန်းသည်
နှစ်လမ်းမျဉ်းကြောင်း  ဖီလာဝေးဝေးတကား ။   ။

(ဒေါင်းနွယ်ဆွေ)

#######
_____________

နန်းထိုက်တော်သဇင်

သင်းသဇင်
မင်းဘုရင် စံဝင်ထိုက်လေတဲ့
နန်းကြိုက်တော်သုံး။

ပွတ်လုံး ရွှေပလ္လင်နှင့်
နွေသဘင် အချိန်နှောင်းလေမှ
ဆောင်းအဝင် နတ်တော်ဆန်းလေပေါ့
နန်းတမော့ ရုံးစုညီ
စာဆိုသီသည့် လင်္ကာကုံး။

နှလုံးမင်ရည်ဖျော်၍
သိင်္ဂီလှော်ရွှေကညစ်ရယ်နှင့်
လမ်းသစ်ကြို နန်းဗဟိုနာရီစောင်းသော်လည်း
အဟောင်းကို မေ့နိုင်စွမ်းပြီဘု
နွမ်းသယောင်
လွမ်းကလောင် မျက်ရည်ဆင်းရတယ်
နှင်းရည်ခ မင်းပြည်မ ရှေးအစဉ်အလာထုံး။ ။

ဒေါင်းနွယ်ဆွေ
(မိုးသောက်လင်္ကာ ပန်းကဗျာများ မှ)
_____________________________

ဒေါင်းနွယ်ဆွေ
**************
စာဆိုဟူသည်ကား
*****************

ကညစ်တစ်လက်
ပေတစ်ရွက်ဖြင့်
အသက်  စတေးခဲ့ကြသည် ။

သမိုင်းပေးတာဝန်
မြတ်ကျေပွန်သည်
လူချွန်  စာဆိုတော်ပေတကား ။

ကလောင်တစ်လက်
မင်တစ်စက်ဖြင့်
စာဖျက် ပေဖျက်   အဆိပ်တက်၏ ။

သမိုင်းပေးတာဝန်
မကျေပွန်က
လူလွန်လူညံ့  သာတကား ။   ။

"ဒေါင်းနွယ်ဆွေ”

(၁၉၆၈ ခု ၊ စာဆိုတော်နေ့သို့)

#######